Ny hovudbankavtale underteikna torsdag

Underteikning av hovudbankavtale. Bak frå venstre: Ole Magnus Orlien, Sigrun Heltne Vartdal, Geir Egil Olsen. Framme frå venstre: Stig Brautaset og Trond Arne Aglen Wenche Moltu  

Herøy kommune har inngått ny hovudbankavtale med Sparebank 1 Søre Sunnmøre gjeldane frå 01.09.2021. Torsdag vart avtalen underteikna av  kommunedirektør Trond Arne Aglen og administrerande direktør Stig Brautaset.

Sparebank 1 Søre sunnmøre vann anbodskonkurransen etter ein ryddig og god prosess. Framover vert det planlagt for ein god overgang til ny bank.

- Banken vil legge opp til eit godt samarbeid med kommunen og vil vere ein samtalepartnar der det vert sett fokus på utvikling av næringsliv og lokalsamfunn, seier Brautaset.

- Det har status og er komplekst å jobbe med kommunen, seier leiar for bedriftsmarkedet Sigrun Heltne Vartdal.

Kommunedirektør Trond Arne Aglen er glad for at ein lokal bank vann fram i anbodskonkuransen.

- Det vil skje så mykje viktig i kommunen framover med kommunale investeringar og næringsutvikling. Det er derfor viktig at vi har ein god dialog med banken framover.

Økonomileiar Geir Egil Olsen er godt nøgd med at Sparebank 1 Søre Sunnmøre, som er ein sterk lokal aktør i området, syner seg å vere godt posisjonert i konkuransen med andre bankar både når det gjeld vilkår og kvalitet.  Kommunen ser fram til samarbeidet og vonar på gode synergiar dei komande 3-5 åra.

Kommunedirektør Trond Arne Aglen og administrerande direktør Stig Brautaset i flott driv. Wenche Moltu   

Det var god stemning og dialog under møte. Etter møte vart det eit lite «kappløp» i Rådhusgata.