Adobe Stock

– Du vil aldri møte to menneske som er heilt like. Mangfald handlar om det som skapar forskjellar mellom oss menneske. Samtidig handlar mangfald om å møte forskjellane med openheit, respekt og inkludering, seier Lilly Arlen Larsen, leiar ved kvalifiseringsenteret.

Ho opplyser at Herøy denne veka får besøk av Skeiv Verden. Organisasjonen kjem for å snakke med innvandrarar om det å vere forskjellig, om det å vere skeiv, som til dømes homofil og lesbisk, eller om det å respektere andre personar.

– Skeiv Verden er ein sjølvstendig, religiøst og politisk uavhengig nasjonal interesseorganisasjon for LHBTIQ+-personar med minioritetsbakgrunn, seier Larsen.