Nokre kjappe fakta:
- Stikk UT! er ein turtrim der du kan registrere dei turane som er plukka ut til å vere turmål denne sesongen. Det er gratis å delta.
- Du lastar ned appen og opprettar ein brukar. Så registrerer du koden som du finn på kvart turmål.
- Går du meir enn sju turar kan du kjøpe deg din eigen Stikk UT! premie.
- Sesongen varer fra 1. mai til 31. oktober. Friluftsråda i fylket og 27 kommunar samarbeider om Stikk UT!.
Meir informasjon finn du på nettstaden til Stikk UT!.
Få også med deg den lokale satsinga vår: Ti på topp i Herøy.
Turane i Herøy
Turar i kategorien enkel:
- Byvandring
- Eggesbøvegen
- Golleneset
- Herøy gard
- Lysløypa på Leikong
- Skåla
Turar i kategorien middels:
- Huldrehornet
- Igesundvarden
- Laupsnipa (forventa opning 15. mai)
- Leinehornet
- Remøykammen og Vardane
- Rjåhornet frå Djupvika
- Rjåhornet frå Mjelthaugvegen
- Vardeheida
Turar i kategorien krevjande:
- Storeronda på Moltu (forventa opning 15. mai)
Du finn alle turmåla på kartet til Stikk UT!.
Stort engasjement
– Mange har nok store forventningar til årets sesong. Spesielt håpar nok mange på betre vêr og fleire fine turdagar enn i fjor, seier Liv Synnøve Hoel i Friluftsrådet Nordmøre og Romsdal, som er prosjektleiar for Stikk UT!.
– Engasjementet rundt Stikk UT! er enormt og vi er veldig stolte av at regionen vår tronar øvst i landet når det gjeld å gå på tur. At så mange registrerer turane dei går, gjer at vi kan satse endå meir på å gjere gode turopplevingar tilgjengeleg for fleire, seier Hilde Ellingsæter i Sunnmøre friluftsråd, som er ansvarleg for Stikk UT! på Sunnmøre.
I kartbrosjyren som innbyggarane i regionen får i postkassene, inviterer friluftsråda alle med på ut på tur.
– Ta vare på dei verdifulle områda
– Vi oppfordrar alle til å nyte turlivet litt ekstra denne sesongen; enten det er å gå på tur saman med nokon, nyte ein god matpakke på turen, lytte til fuglesang eller ta eit bad i eit fjellvatn. Gode møte mellom menneske og naturen fremmar helse og livskvalitet og vi trur at dess meir folk kosar seg på tur dess meir lyst får dei også til å gjere ein innsats for å ta vare på dei verdifulle områda vi ferdast i, seier Liv Synnøve Hoel.