Ny oppfriskingsdose: anbefaling til risikogruppene, tilbod til alle over 18 år

No før vintersesongen 2022/2023 er desse risikogruppene anbefalte å ta ny oppfriskingsdose med koronavaksine:

• alle over 65 år
• personar mellom 18 og 64 år med risiko for alvorleg sjukdomsforløp. (PDF, 251 kB) 
• ungdom mellom 12 – 17 år med alvorleg grunnsjukdom. (PDF, 251 kB)
• gravide i 2. og 3. trimester (4–9 mnd.)

Ny oppfriskingsdose vil for dei fleste vere dose 4, men for enkelte med svekka immunforsvar kan det vere dose 5.

I tillegg kan alle personar mellom 18 og 64 år få ny oppfriskingsdose dersom dei ønskjer det, sjølv om dei ikkje er i ei risikogruppe.

Sjå datoane du kan få vaksine og bestill time her. 

Meir om oppfriskingsdosen

• Det bør vere minst fire månadar frå førre vaksinedose (korona).
• Det bør vere minst fire månadar frå du vart frisk av gjennomgått koronainfeksjon (ny forsking viser at du får best effekt av vaksinen då).
• Vaksine skal vere sju dagar før/etter anna vaksine.
• Kvinner og menn under 30 år vil få tilbod om Comirnaty Original/Omicron BA.1 (BioNTech/Pfizer).

Vaksinar som vert nytta til oppfriskingsdose

• Comirnaty Original/Omicron BA.1 (BioNTech/Pfizer).
• Spikevax Bivalent Original/Omicron BA.1 (Moderna).