På heimesida til kommunen er det ei oversikt over barnehagar i Herøy. Der ligg også lenker til aktuelle dokument som er gjeldande for barnehagane.

Lov om barnehagar og Rammeplan for barnehagen legg føringar for drift av alle barnehagane i Noreg. Fagområda i Rammeplanen skal bidra til å fremme trivsel, allsidig utvikling og helse,og er ein gjennomgåande del av innhaldet i barnehagen. Tilsette i barnehagen har ansvar for å vere merksam på barn som har eller kan ha problem i kvardagen, og har ansvar for å bidra til at det vert sett i verk tiltak som kan hjelpe barnet.

På heimesida til kommunen er det ei oversikt over skule og SFO i Herøy. Der ligg også lenker til aktuelle dokument som er gjeldande.

Compilo er kvalitets- og avvikssystemet til Herøy kommune. Her kan dei tilsette logge seg inn og finne ei fullstendig oversikt over alle rutinar og prosedyrar som omhandlar skule og SFO.

Under har vi trekt fram nokre av dei som kan vere med å støtte opp rundt arbeidet med å hjelpe barn og unge som ein er uroa for i skule og SFO:

• Plan for arbeid med trygt og godt læringsmiljø
• Lokal rammeplan SFO
• Informasjon om redusert foreldrebetaling SFO

Her finn du informasjon om din lege og legekontor.

Fastlegen har ansvar for å koordinering av dei medisinskfaglege tenestene for barn og unge på si liste og skal ha merksemd mot å avdekke symptom og teikn på omsorgssvikt i dagleg virke. Fastlegen har generell plikt om melding til barnevern ved grunn til å tru at barn er utsett for alvorleg omsorgssvikt.

Helsestasjonen har eigne nettsider der du vil finne informasjonen du treng.

Herøy kommune har eit variert fritidstilbod til barn og unge. Kommunen si heimeside gir oversikt over desse tilboda. Her finn du oversikt over lag- og organisasjonar i kommunen.

Herøy kulturskule har mange ulike tilbod.

Ved Herøy kulturhus er det ulike fritidsklubbar/ungdomsklubbar. På kulturhuset finn du også UFO, som er ein gratis møteplass på ettermiddagstid for dei i 6.-10.klasse.

Herøy frivilligssentral har ei ein utstyrssentral kalla BUA. Her kan du låne gratis utstyr til friluft og aktivitet.

Herøy kommune har etablert ulike støtteordningar som skal bidra til at barn og unge kan delta i kultur- og fritidsaktivitet. Du kan lese om Kontantkassa og Opplevingskort ved å følgje denne lenka.

Har du nedsett funksjonsevne og har behov for følgje på ulike arrangement og/eller fritidsaktivitetar kan du søke om følgjekort. Nedre aldersgrense for å få følgjekort er normalt 8 år.

Kvar kommune skal ha ei Pedagogisk-Psykologisk teneste (PP-teneste). PP-tenesta er kommuna sin rådgjevande og sakkundige instans i saker som gjeld barn og unge sitt oppvekstmiljø. Tenesta arbeidar førebyggande og  i nært samarbeid med barnehage, skule og føresette. PP-tenesta si oppgåve er å hjelpe barnehage og skule med å legge til rette for barn og elevar med særskilte behov.

Føresette, unge og vaksne kan ta direkte kontakt med PP-tenesta. Det vanlegaste er likevel å ta kontakt i samarbeid med barnehage, skule eller ein annan instans. Desse instansane kan berre kontakte PPT dersom personen sjølv eller føresette gir skriftleg samtykke.

Styrar i barnehagar og rektorar ved skular kan i tillegg tilvise til PPT ved behov for bistand med kompetanseheving eller organisasjonsutvikling.

Her finn du meir informasjon om PPT i Herøy kommune. 

Tenesta for psykisk helse og rus består av eit tverrfagleg team som gir individuell oppfølging i heimen eller på kontor til personar som strevar med utfordringar knyttt til psykisk helse og/eller rus og deira pårørande. Tenesta tilbyr også gruppeaktivitetar og dagtibod. Med fokus på førebygging gir teamet også oppfølging til unge personar. Tilbodet er gratis. 

Du kan lese meir om kva tenesta kan tilby. Her finn du også kontaktinformasjon. 

Er du mor eller far som strevar med den utfordrande foreldrerolla? Er du bekymra for barnet/ungdommen og opplev at det er mykje krangling i heimen? Eller har du ein jobb der du møter dei som har desse eller liknande utfordringar?

Familieterapeuten er eit lågterskeltilbod som skal bidra til å betre oppvekstvilkåra for barn, unge og familiar. Søknad kan leverast av deg som privatperson eller offentleg instand i i eige elektronisk skjema.

Kommunepsykologen si primæroppgåve er å førebyggje. Som del av dette gir ho råd og rettleiing til andre fagfolk i kommunen, deltek i tverrfaglege møter og tilbyr psykologhjelp til innbyggjerane i Herøy.

Du kan lese meir om tenesta her.

Fysioterapeuten hjelper deg til å vedlikehalde eller betre funksjonsevne, deltaking og aktivitet.

Kommunefysioterapeut gir tenester til barn og unge og til menneske som bur på institusjon. 

Tilbodet kan omfatte:

• individuell fysioterapivurdering og behandling
• rehabilitering
• gruppetilbod
• hjelpemiddelformidling
• rettleiing til pårørande og tilsette i barnehage, skule og institusjon

Ergoterapi er for personar som grunna sjukdom, skade eller andre årsakar har fått redusert funksjonsevne som gjer det vanskeleg å utføre daglege gjeremål.

Kvalifiseringssenteret for innvandrar i Herøy kommune skal etter Integreringslova kvalifisere innvandrar i norsk, samfunnskunnskap, livsmestring, utdanning og arbeid.

Her finn du informasjon om kvalifiseringssenteret.

Herøy kommune har ei koordinerande eining for helse- og omsorgstenester. Her kan du få råd dersom du er usikker på kva tenestetilbod som passar deg. Eininga har også det overordna ansvaret for individuell plan og for oppnemning, opplæring og rettleiing av koordinator. Koordinatoren er kontaktperson for pasient og pårørande.

Meir informasjon om tenesta og søknadsskjema finn du ved å følgje denne lenka.

Støttekontakt kan bidra til sosialt samvær og ei meir meiningsfull fritid. Støttekontakt kan bli tildelt personar og familiar som har behov for dette på grunn av nedsett funksjonsnivå eller sosiale vanskar.

Her kan du finn du meir informasjon om tenesta. Du søker ved hjelp av det elektroniske søknadsskjemaet.

Familievernkontoret gir tilbod om rådgjeving og samtalar når det er vanskar, konflikter eller krise i familien. Kontoret utfører lovpålagt mekling for foreldre med felles born under 16 år ved samlivsbrot og samlivsvanskar mellom foreldra. 

Alle som treng å prate om vanskelege forhold kan søkje familierådgjeving ved familievernkontoret.

Familievernkontoret held til i Ålesund, men dekker kommunane: Ålesund, Fjord, Giske, Sula, Stranda, Sykkylven, Ørsta, Volda, Hareid, Ulstein, Herøy, Sande og Vanylven. Dei har faste kontordagar i Ørsta kommune.

Ein treng ikkje henvising for å kome til familievernkontoret, og tilbodet er gratis.

Her kan du lese meir om når familievern. Her finn du også kontaktinformasjon.

Barnevernet skal sikre at barn og unge som lev under forhold som kan skade deira helse og utvikling, får nødvendig hjelp, omsorg og beskyttelse. Barnevernet har ansvar for å gi hjelp når det er nødvendig på grunn av barnet sin omsorgssituasjon eller åtferd.

Ved behov for akutt bistand, kontakt barnevernvakta: 91 57 60 20 eller 111 116. Vakta er døgnbemanna alle dagar.

Her finn du informasjon om barnevernet og barnevernsvakta.

Arbeids- og velferdsforvaltinga (NAV) er ein offentleg etat underlagt Arbeids- og sosialdepartementet som har ansvar for organisering og finansiering av arbeidsmarknadstiltak, trygdeytingar og sosialhjelp.

NAV skal vere spesielt merksam på oppvekstvilkåra til barn og unge. Barnekonvensjonen er ein del av norsk lov, og skal sikre at avgjersler, også dei som gjeld vaksne, skal vere til barns beste. Barn har rett til ein tilstrekkeleg levestandard, og til å bli hørt.

Herøy sitt NAV kontor ligg på Eggesbønes. 

Krisesenter for Sunnmøre er eit gratis, døgnope tilbod for barn, kvinner og menn som er eller har vore utsett for vald i nære relasjonar. Du treng ikkje å vere i aktutt krise for å få hjelp på eit krisesenter.

Krisesenteret er lokalisert i Ålesund kommune, men er eit interkommunalt tilbod til innbyggarar i Ålesund, Ørsta, Volda, Herøy, Sande, Ulstein, Hareid, Sula, Giske, Fjord, Vanylven, Stranda og Sykkylven. Personar frå andre stadar i Norge kan også nytte deira tilbod. Du kan oppsøke senteret direkte utan timeavtale eller tilvising.

Krisesenteret kan tilby:

• ein trygg stad å bu i ei avgrensa periode
• samtalar
• informasjon om rettar og moglegheiter
• rettleiing (inkludert juridisk rettleiing)
• oppfølging

Avdeling for kvinner og barn
Døgnopen krisetelefon: 70 16 33 33 / 945 39 945
E-post: krisesenter-kvinner@alesund.kommune.no

Avdeling for menn og barn
Døgnopen krisetelefon: 90 70 74 33
E-post: krisesenter-menn@alesund.kommune.no

Felles nettstad: Sunnmøre krisesenter

Herøy kommune har to ulike avlastningstilbod i institusjon. Tenesta er knytt til pårørande med særleg tyngjande omsorgsoppgåver.

Her finn du meir informasjon om tenesta og søknadsskjema.

Har du eller nokon du kjenner blitt utsett for noko ulovleg? Eller er du kanskje usikker på om det du har vorte utsett for er ulovleg eller ikkje? Da kan du ta kontakt med politiet for råd og rettleiing. Klikk her for å lese meir om kva politiet kan hjelpe deg med.

Det lokale politiet finn du i Rådhusgata 7. Vil du ringe? Telefonnummeret er 02800.