Søkjarane kan vere einskildpersonar, frivillige lag og organisasjonar som driv eller vil starte kulturverksemd i Herøy kommune. Hovudlaget samordnar og søker samla på vegne av alle gruppene der laget er organisert slik.

Unnateke frå tilskot er:

• Lag som primært tek vare på medlemane sine økonomi- og yrkesinteresser
• Politiske parti og politiske aksjonar
• Organisasjonar som ikkje er opne for alle
• Reint kommersielle tiltak

Generelle krav til søkar/søknad

• Herøy kommune tildeler tilskot berre etter søknad. Skjema ligg på kommunen sine heimesider og alle søknader skal sendast inn elektronisk.
• Søknader skal innehalde korrekte opplysningar om søkjar og tiltak, samt vedlegg som er etterspurt i søknadsskjemaet. Dersom søknaden er mangelfullt utfylt eller manglar dokumentasjon kan han bli avslått.
• Lag og organisasjonar som får økonomisk stønad frå Herøy kommune, pliktar på sine arrangement å gje fri entre til følgjeperson ved framvising av Følgjekort.