Samarbeidet mellom heimen og barnehagen skal alltid ha barnets beste som mål. Foreldra og barnehagepersonalet har eit felles ansvar for at barnet skal trivast og utvikle seg, jf. «Rammeplan for barnehagar».

Kvar heim får tilbod om individuelle samtalar med pedagogisk leiar 2 gonar per barnehage år. Vi deler ut skjema som heimen kan fylle ut og levere til pedagogisk leiar før samtalen. 

Dette skjemaet vert nytta i samtalen.(PDF, 88 kB) (PDF, 95 kB)

Ved 4 års alder, får de innkalling til 4 års undersøking frå helsestasjonen. I forkant av denne, fyller barnehagen ut eit skjema som sendast til helsestasjonen. Dette er det same skjema som de får tilsendt frå helsestasjonen. Før vi sender frå oss skjemaet, har vi alltid ein gjennomgang med dei føresette, der de samtykker til informasjonen som vi deretter sender til helsestasjonen. På denne måten får helsesjukepleiar eit godt innblikk i barnet si utvikling, og de som foreldre blir meir budde. 

Barnehagen kallar inn til foreldremøter for alle føresette 1-2 gongar i året. Kvar haust er fast, og så ser vi kva behovet er utover året.

Kvar barnehage skal ha eit foreldrerådsstyre. Desse blir valt på hausten av foreldra. Foreldrerådsstyret er med og arrangerer nyttige ting for fellesskapet vårt.

Barnehagen har også eit Samarbeidsutval. Der sit 4 føresette, 1 tilsette, 1 frå Herøy kommune og styrar. Samarbeidsutvalet skal vere eit rådgjevande, kontaktskapande og samordnande organ. Samarbeidsutvalet skal fastsetje årsplanen til barnehagen. Andre viktig saker er til dømes forslag til budsjett eller driftsendringar.

I tillegg til desse møta, så møtest vi kvar dag i garderoben. Då får vi gitt informasjon til kvarandre som er viktige for at barnet skal ha gode dagar i barnehagen.