Les e-bøker gratis med BookBites!
For å opprette ein brukar i BookBites treng du ei gyldig e-postadresse og eit lånekort frå biblioteket.
- Last ned appen BookBites i App Store eller Google Play .
- Vel «Opprett ny brukar». Pass på at du vel riktig land øvst.
- Lag brukar med ei gyldig e-postadresse og sjølvvalt passord.
Du kan også bruke ein eksisterande Facebook-, Google- eller Apple-konto. Vi tilrår likevel at du brukar e-postadresse og passord når du opprettar brukar. Dersom du treng hjelp seinare, treng vi e-postadressa di for å kunne søke opp brukaren din. - Følg instruksjonane og legg inn opplysningar. Det kan vere lurt å legge inn korrekt fødselsår, slik at du får bokhyller som passar til alderen din i BookBites.
- Hugs å legge inn lånekortnummer. Når du opprettar brukar, må du legge inn lånekortnummer og PIN-kode, og deretter velje biblioteket ditt. Dette gjer du berre éin gong. Har du gløymt lånekortnummer eller PIN-kode, finn du informasjon om dette på Nasjonalbiblioteket sine nettsider: https://bibliotekkortet.no. Lånekortnummeret startar som regel med N00 (null-null).
Når du seinare skal logge inn i appen, brukar du e-postadressa og passordet du valde – eventuelt andre innloggingsmetodar (Facebook, Google eller Apple ID). - Legge inn lånekortnummer seinare. For å få tilgang til bøker i appen må du ha lagt inn eit lånekort som er knytt til eit bibliotek. Lånekortet må vere registrert på brukaren din i BookBites. Du kan legge til lånekortnummer og knyte til fleire bibliotek seinare under «Mine bibliotek» i «Innstillingar» i appen.
Har du ikkje lånekort på eit bibliotek? Ta kontakt med biblioteket der du bur eller få deg eit lånekort via Nasjonalbiblioteket: https://bibliotekkortet.no
Det er gratis å låne bøker på biblioteket.
Video: Slik oppretter du en ny bruker