Når barnet blir kalla inn til 4-års kontroll på helsestasjonen, har de føresette allereie fått gått gjennom utviklingsskjema med pedagogisk leiar i barnehagen. Dette er med på å trygge oss i alle overgangar. Om vi er usikre på noko rundt utviklinga til barnet, er det fint å kunne møtast å prate om det.

PPT kjem til barnehagen når vi ber om det. Det kan vere at føresette og pedagogisk leiar har diskutert noko rundt språk/åtferd på ein foreldresamtale, som dei ynskjer at PPT skal sjå på/vurdere. Med løyve frå føresette kan PPT kome og observere barn i leik, vaksne sin relasjon med barn og om systemet rundt barnet fungerer optimalt. PPT er også ein god samtalepart for pedagogane i barnehagen. PPT kan også ta kartleggingar/testar som seier noko om språkutviklinga til barnet. Då blir tiltaka vi set inn også meir presise.