Elevane kjem tidleg om morgonen på Nerlandsøy skule. Skulebussen frå Kvalsvika kjem kl.07.45, og ein etter ein kjem enten på sykkel eller gåande i same tida. Det er fleire som synes det er viktig å kunne ta seg ei lita stund med leik og prat før ein startar dagen i klasserommet. Vi vaksne på skulen opplever at elevane synes det er kjekt å kome til skulen. Som vaksne og kunne ta dei i mot, seie God morgon!, høyre korleis dei har det, og vere tilstades i det sosiale om morgonen er gull verdt. Ein har tid til å prate om både det eine og det andre i denne tida. Så mange blide elevar og så mange gode smil. Likeeins er det kjekt å ta i mot dei foreldra som også tek seg ein tur på morgonen. 

Vi ynskjer alle ein nydeleg dag!