Utval for samfunnsutvikling fatta følgjande vedtak i møte den, 03. Juni.2025, ved behandling av politisk sak for offentleg ettersyn av planforslag for ovannemnde plan:
- Utvalet for samfunnsutvikling vedtek, jf. Plan - og bygningslova § 12 -10, å legge ut planforslag for «Detaljreguleringsplan for «Vassbehandlingsanlegg i Moltudalen»» på offentleg ettersyn i 6 veker.
- Kommunedirektøren skal sørge for at innhaldet i planforslaget vert kvalitetssikra i samråd med Sporstøl arkitekter AS, og at eventuelle mindre suppleringar og justeringar blir gjorde før offentleg ettersyn av planforslaget.
- Utval for samfunnsutvikling ser på det som naturleg at det blir gjort ei vurdering av vegstandarden på Nygjerdevegen, og at det eventuelt blir satt rekkefølgekrav om opprusting og forsterkning etter at anleggsarbeidet er ferdig
Administrasjonen har følgd opp vedtaket i samråd med plankonsulent, og fått utført oppdateringar av plandokumenta der dette vart vurdert som nødvendig. Planforslaget leggjast derfor med dette ut på offentleg ettersyn i 9 veker.
Samandrag
Formålet med planarbeidet er å legge rammene for opparbeiding av eit nytt vassreinsingsanlegg på Moltufjellet, for å utbetre dagens tilgang og kvalitet på drikkevatn frå drikkevasskjelda Mørkevatnet for abonnentar. Grunnlaget for planarbeidet er lengre tids utfordringar med høgt fargetal (Frå daudt organisk materiale i Mørkevatnet) og forsynings-problematikk med dagens anlegg, som tidvis fører til dårlegare kvalitet og brot på forsyning til kundar.
Tiltaket vurderast å ha positive verknadar knytt til utbetra og meir føreseielege tilgang på drikkevatn for abonnentar, og kan på sikt potensielt forsyne heile kommunen. Dette er vurdert å ha ytterlegare positive ringverknadar innan beredskap som følgje av meir føreseielege tilgang på vatn til brannslokking, i tillegg til moglege positive økonomiske verknadar for fiskeriverksemder, som i dag må ha separate reinseløysingar for levert vatn.
I tillegg har tiltaket fleire positive verknadar for ulike lokale naturforhold og fellesinteresser, gjennom avbøtande tiltak òg krav til anleggsfase og permanent fase (Drift). Dette innebere bl.a. krav om fjerning av framandarta, ulike rutinar og prosedyrar for varsling av òg tiltak mot mogleg forureining eller vasslekkasjar, opparbeiding av eigne parkeringsplassar òg grøntstrukturområde til bruk for ålmenta til leik og rekreasjon, føringa for landskapstilpassing og brannsikring av nytt anlegg, fokus på miljø – og klimavennlege løysingar under utbygging osv. Desse tilpassingane er vurdert å redusere negative verknadar innan ulike delområde i stor grad, og kan ha positive verknadar for fleire brukargrupper.
Tiltaket vil truleg ha ein viss negativ verknad på landskapsbilete og naturmiljøet, sjølv om fleire avbøtande tiltak er implementert i føresegnene, og tiltaket kan utgjere ein risiko for terreng vest for anlegget og elveløpet vidare nordover jamfør vedlagde rapportar. Det er derfor viktig at ein i vidare delar av planarbeidet gjer ytterlegare tilpassingar basert på innkomne innspel frå sektormynde, bedrifter og andre partar, slik at planløysinga er best mogleg tilpassa lovkrav, nasjonale føringar, og lokale ynskjer. Det er også viktig at ein følgjer opp rekkjefølgjekrav om varslingsrutine for utslepp frå anlegget, og at anbefalingar frå Runde miljøsenter vert følgd opp for å sikre at utslepp i Moltuvika går trygt føre seg.
Gi innspel her
Dei oppdaterte dokumenta kan du finne i kunngjeringsbrev på postlista til Herøy kommune, saman med anna saksdokumentasjon, politiske handsamingar, og korrespondanse.
Fristen for å gi merknadar til planarbeidet er 19.09.2025.
Du kan gje høyringsinnspel i dette skjemaet. Merk innsendinga med årstalet 2022 og mappenummer 1661.
I tillegg vil det haldast eit ope folkemøte om prosjektet på Moltustranda grendahus den 25 August, frå kl 18:00 og utover, der konsulent og administrasjonen vil leggje fram planforslaget og ta imot spørsmål mm. Dette i tråd med føringar gitt i gjeldande planprogram for planarbeidet. Vi ynskjer deltakarar vel møtt om de ynskjer å ta turen!