GPS er eit hjelpemiddel for å lokalisere ein person. Herøy kommune tilbyr utlån av GPS til personar med demens eller som av andre aktuelle årsaker er hindra frå å bevege seg sjølvstendig utandørs. Våre GPSar har også ein alarmknapp som kan nyttast til å tilkalle hjelp. Vi har både GPS-klokker og GPS til å ha i lomme eller rundt halsen. 

Digitale tilsyn er eit supplement til fysiske tilsyn frå personalet på sjukeheim eller i heimeteneste. Det kan vere utstyr som følger med på om ein bebuar er i senga si på natta eller om nokon har falt. Det finst fleire typar av slik teknologi. Herøy nytter per i dag sensoren Somnofy og Roomate. Du kan lese meir om Somnofy her og  om Roomate her.

Heimetenesta nyttar i noko grad elektroniske medisindispenserar til brukarar som ønsker dette og der dette er ei føremålsteneleg løysing for tenesta. Per i dag er det Karie som er i bruk hos oss. 

Med smartdør er det mogleg både for pasientar/brukarar og tilsette å bruke taggar som nøkkel. Pasient/Brukar kan berre låse opp si eiga dør, og dei tilsette kan låse opp dørene på avdelingane dei har tilgang til.

Tryggleiksalarm er eit hjelpemiddel for den som treng å tilkalle hjelp med ein alarmknapp. Når ein trykker på alarmknappen vert det oppretta samband med heimetenesta. Heimetenesta tek anten kontakt direkte med brukaren eller med pårørande, og set i verk naudsynte tiltak.