Adobe Stock
Utval for samfunnsutvikling vedtok 17. april 2024 eit framlegg til lokal forskrift om utvida bandtvang på Nerlandsøy.
No er framlegget på høyring, slik at alle kan uttale seg om det. Fristen for å sende høyringsinnspel er 31. mai 2024.
Aktuelle lag og organisasjonar får framlegget tilsendt.
Klikk her for å gå til skjemaet der du kan kome med høyringsinnspel. Merk:
- I feltet årstal skriv du 2024.
- I feltet mappenummer skriv du 5048.
Framlegget og saksdokumenta
Nedanfor står framlegget til forskrift.
Klikk her for å lese saksdokumenta og vurderingane som ligg til grunn for framlegget om heilårs bandtvang.
Forskrift om bandtvang for hund i Herøy kommune, Møre og Romsdal
§ 1 Føremål
Føremålet med forskrifta er å verne om beitedyr, og leggje vekt på tryggleik og trivsel for husdyr, vilt og menneske.'
§ 2 Verkeområde
Forskrifta gjeld for hundehald på Nerlandsøy.
§ 3 Bandtvang
For Nerlandsøy er det bandtvang heile året. I denne perioden skal hundar haldast i band eller vere forsvarleg innstengd eller vere inngjerda.
For resten av Herøy kommune gjeld den ordinære bandtvangstida som er frå 1. april til 20. august.
§ 4 Unntak frå bandtvangsreglane
Unntak frå reglande om bandtvang går fram av hundelova § 9.
§ 5 Straff
Brot på reglande vert straffa etter reglane i hundelova § 28
§ 6 Iverksetting
Forskifta vert sett i kraft med det same.