Frå venstre: Ann-Mari Kvalsvik (Nordea), Julianne Hauge (kulturleiar), Mats Jøsok Kvalsvik og Tine Storøy (ordførar). Melissa Nerland Paulsen / Vestlandsnytt

Laurdag 10. august blei Ungdomens kulturpris i Herøy for 2023 delt ut. Kommunen, ved ordførar Tine Storøy og kulturleiar Julianne Hauge, og Nordea, ved Ann-Mari Kvalsvik, stod for utdelinga.

Ein samla jury slår fast at Mats Jøsok Kvalsvik er ein verdig prisvinnar. Dei legg vekt på engasjementet han viser for å ta vare på kulturlandskapet på Nerlandsøya og tradisjonane knytte til gardsdrift, bygningar og mat. Prisvinnaren er initiativtakaren til Potetfestivalen i Kvalsvika.

Prisen er ei anerkjenning for alt arbeidet han legg ned for auka bulyst og trivsel i Herøy kommune. Juryen vonar at Ungdomens kulturpris kan motivere både han og andre til å bidra til fellesskapet.