Ho starta i Herøy kommune tysdag 16. august og vil arbeide om lag 30 % stilling ut september. Frå 1. oktober er ho å finne i 100 % stilling i kommunen.
- Eg har utdanning frå Høgskulen i Agder der eg tok treårig utdanning som barnehagelærar. I tillegg har eg vidareutdanning som spesialpedagog og innan mentor/rettleiing og leiing/endringsleiing, fortel ho.
Ho har jobberfaring som assistent, pedagog, pedagogisk leiar og har vore styrar i tre ulike barnehagar.
Dei siste ti åra har Elisabeth jobba som spesialpedagog i Hareid kommune.
- Eg har vore så heldig og fått bidratt i pilotprosjektet «Støttande team», der vi har jobba førebyggjande med tidleg innsats inn mot skular, barnehagar og heim.
No gler ho seg til å starte i ny jobb i Herøy kommune.
- Det vert spanande med nye utfordringar og det blir kjekt å bli kjent med dyktige medarbeidarar, avsluttar Elisabeth Skotheim.