– Det er stort å kunne tre inn i stillinga som seksjonsleiar. Eg ser fram til å yte gode tenester i helse- og omsorgssektoren i Herøy, slår ho fast.
Blomstervik kjem frå stillinga som avdelingsleiar ved Sandetun omsorgssenter i Sande kommune. Tidlegare har ho vore assisterande avdelingsleiar i Sula kommune. Ho har også arbeidserfaring frå kommunal akutt døgnhjelp i Ålesund kommune og frå Ålesund sjukehus.
– Eg starta som pleiemedarbeidar som 16-åring i Herøy. Etter kvart flytta eg til Ålesund, der eg utdanna meg som sjukepleiar. I 2019 tok eg vidareutdanning innan leiing i helse- og sosialtenesta, seier Blomstervik.
Ho bur i Fosnavåg med mann og tre barn.
Vi ønsker ho varmt velkomen som seksjonsleiar!