Seksjonane fekk vere med på dette fordi dei har hatt ei utfordring med høgt sjukefråvær over tid. Målet for prosjektet har vore å redusere sjukefråværet.
HelseIArbeid prosjektet er ein prosess som inkluderer alle tilsette og som blir gjennomført i tre modular. Tema har vore
- psykisk helse og arbeid
- muskel- og skjelettplager og arbeid
- smertemeistring og arbeidsmiljø
Bidrag frå tilsette
Einingane starta med modul 1 i juni 2022 og avslutta med modul 3 i januar 2023, så dette arbeidet har gått føre seg over tid.
Gjennom gruppearbeid på samlingane har dei tilsette bidrege med innspel til tiltak som dei meiner må til for å skape positiv utvikling på arbeidsplassen.
Eit av hovudspørsmåla i satsinga er «kva må til for at du skal gå på arbeid med helseutfordringar?»
Spørsmålet har skapt gode diskusjonar knytt til den interne dynamikken og kulturen i seksjonane. Handlingsplanane dei har sette opp til slutt viser kva område dei tilsette vil jobbe med i tida framover.
Jobba tett saman
HMS-gruppene har hatt ei sentral rolle i etterarbeidet etter samlingane, og dei har gjort ein svært god jobb. Dei har jobba tett saman om å prioritere kva tiltak som vil gje best uttelling for å styrke arbeidsmiljøet og redusere sjukefråværet.
Bidragsytarar på samlingane har vore spesialfysioterapeut Liv Schrøder frå helseforetaket og IA-rådgjevarane Therese Hessen og Unni Driveklepp.