Som tilsynskoordinator tar Langvatn imot alt av spørsmål om desse storstovene.
– Enten du representerer eit idrettslag, ei foreining, ein skule eller ein annan aktør, er det berre å ringe meg, seier Langvatn, som har lang erfaring frå kommunen.
Nytt bookingsystem kjem
Han fortel at det er svært stor aktivitet i lokala store delar av døgnet.
– Skulane brukar bygget på dagtid, og på ettermiddagane og kveldane er her mange ulike fritidsaktivitetar for folk i alle aldrar. Her er sjeldan tomt før klokka nærmar seg halv elleve på kvelden, fortel tilsynskoordinatoren.
Langvatn opplyser at kommunen jobbar med å få på plass eit nytt bookingsystem.
– Der vil alle kunne legge inn ønske om å få nytte kulturhuset eller Herøyhallen, fortel han.
Tilsynsvakter på kveldstid
Inntil vidare er det telefon eller e-post som gjeld.
På dagtid kan du ringe Langvatn direkte. På kveldstid er der eit eige nummer som går til den som har tilsynsvakt. Du kan også sende e-post.
Telefonnummera og e-postadressene finn du på nettstaden til kulturhuset