Kven kan få tenesta?

Dersom barnet ditt har behov for meir hjelp og støtte enn barnehagen kan gi i kvardagen, kan de som føresette åleine, eller i samarbeid med barnehagen, ta kontakt med Pedagogisk psykologisk teneste (PPT) i kommunen. Barnehagen vil hjelpe deg med dette.

Kva omfattar tenesta?

Om PPT vurderer at barnet har rett til spesialpedagogisk hjelp, vil dei skrive ei sakkunnig vurdering. Avdelingsleiar i sektor for kultur og oppvekst vil då gjere eit vedtak om omfang og innhald i den spesialpedagogiske hjelpa.

Barnehagen kan også søkje om ekstra bemanning som assistent i barnehagen dersom barnet har behov for meir støtte enn spesialpedagog gir. Dette er heimla i lov om barnehagar § 37, barn med nedsett funksjonsevne.

Kva kostar tenesta?

Tilrettelegging i barnehagen og spesialpedagogisk hjelp kostar ingenting for føresette.

Når kan du vente svar?

Sakene vert handsama fortløpande.