Kven kan søkje?
Personar over 16 år som ikkje har norsk grunnskule eller tilsvarande frå heimlandet. Søkjar må ha lovleg opphald i landet.
Korleis søkjer du?
Du kontaktar Kvalifiseringssenter for innvandrarar i Fosnavåg for søknadsskjema eller søkjer elektronisk her.
Søknad vert handsama av fagleiar Oppvekst.
Kva må du ha med når du søkjer?
- Dokumentasjon på opphaldsløyve
- Legitimasjon med bilde
- DUF-nummer eller fødselsnummer
- Kopi av prøvebevis for norskprøve, viss du har det
Kva fag inneheld grunnskule for vaksne?
Du kan få undervisning i norsk, engelsk, matematikk, naturfag og samfunnsfag.
Kvifor ta grunnskuleopplæring?
Når du har tatt del i undervisninga og tatt naudsynte eksamenar, vil du få grunnskulevitnemål og kan søkje vidaregåande opplæring.
Kor lenge varer grunnskuleopplæringa?
Opplæringa varer i 2 år.
Kvar føregår opplæringa?
Undervisninga er på Ressurssenteret i Hareid.
Kostar det noko?
Opplæringa og undervisningsmateriellet er gratis.