Tenesta består av:

• Utbygging og vedlikehald av kommunalt leidningsnett og kommunale renseanlegg/silanlegg.
• Transport og handsaming av avløpsvatn i kommunalt leidningsnett.
• Reinsing av avløpsvatn i kommunale slamavskiljarar og silanlegget i Grønhaugen og på Kleivaneset.
• Utslepp av restavløp til godkjend resipient.
• Transport og deponering av oppsamla slam frå slamavskiljarar og silanlegg.

Kva kostar det?

Årsgebyr for avløp er delt opp i ein fast del (abonnementsgebyr) og ein variabel del (forbruksgebyr).

• Abonnementsgebyr: Alle bustadar- og fritidseigedomar betalar eit fast abonnementsgebyr.
• Forbruksgebyr: Vert utrekna frå målt forbruk via vassmålar, eller frå bustadens bruksareal (BRA). Forbruk ved næringseigedomar fastsettast ved bruk av vassmålar.

Er du ikkje knytt til kommunal avløpsleidning? 

Alle eigedomar med innlagt vatn (anten frå vassverk, brønn, cisterneanlegg eller liknande), men som ikkje er knytt til kommunal avløpsleidning, skal ha kommunal slamtøming (dersom dei ikkje er tilkopla avløpsleidning der anna renseordning inngår). Ein må også ha godkjent avløpsordning gjennom søknad om utsleppsløyve av sanitært avløpsvatn.

Dette kravet er heimla i forureiningslova og i plan- og bygningslova.