Barne- og ungdomsfamiliar (0-18 år) som opplever utfordringar og som opplev at ordinære lovpålagte tenester ikkje er tilstrekkeleg. Utfordringane kan blant anna dreie seg om: 

• Samspel
• Kommunikasjon
• Krangling og konfliktar
• Skule
• Sosialt
• Relasjonar
• Tilknyting
• Vanskeleg livssituasjon
• Førstegongsforeldre som skal omstille seg
• Born som strevar med å handtere to heimar etter samlivsbrot
• Foreldresamarbeid mellom eks-partnarar
• Utfordringar med “dine, mine og våre” born
• Konfliktar mellom ulike kulturar
• Føresette som ynskjer støtte i det å være foreldre

• Dersom du og familien skal ha tiltaket er det naudsynt at alle aktuelle partar i familien er motivert for arbeidet.
• Angåande samtykke:
  • Tiltak retta mot born, som samtalar med born og eller samarbeid med instansar angåande born, krev samtykke frå begge føresette dersom begge har foreldreansvar
  • Føresette som ynskjer støtte og råd knyt til si eiga omsorgsutøving kan få dette utan samtykke frå andre
• Angåande journalføring
  • Familiekonsulenten må som eit minimum registrere personalia på dei som søkjer om tiltak, samt kva tiltak ein får tilbod om og kva tiltak som vert gjennomført kva tid.
  • Det er ikkje naudsynt at familiekonsulenten journalfører ut over dette dersom familien ikkje ynskjer det. Dette må i så fall avtalast med familiekonsulenten. 

• Fokus på born og ungdom sitt perspektiv og deira stemme
• Familiesamtalar, også med utvida nettverk
• Individuelle samtalar
• COS-P rettleiing til føresette
• Kartlegging av behov ved hjelp av WMCI
• Tverrfagleg samarbeid med aktuelle samarbeidspartnarar 
• Samtalar kan gjennomførast på kontoret, i barnehagen, skulen eller heime. Dette avtalast mellom partane.

Vi vil at igangsette tiltak skal opplevast som eit samarbeid mellom konsulenten og deg som mottek tiltaket. Familiekonsulenten vil sikre barn og unge sin medverknad og stemme i kontakta med familien.

Ein kan forvente at det blir sett opp 2-8 kontaktpunkt der familiekonsulenten  i samarbeid med familien kartlegg situasjonen, jobbar fram moglege løysingar saman, og eventuelt viser vegen vidare til andre instansar.

Familiekonsulenten har meldeplikt til barnevernstenesta på lik linje med andre offentlege instansar dersom det skulle kome fram informasjon som oppfylgjer krava jamfør barnevernlova §13-2 

Tenesta er gratis. 

Søknaden leverast av deg som privatperson eller offentleg instans i eige elektronisk skjema.

Tenesta er organisert under barnevern, og søknadar vil verte vurdert i samarbeid med fagleiar og barnevernsleiar kvar måndag. Det er likevel ikkje eit barnevernstiltak, og medfører ikkje at det vert opna barnevernssak.