Treng du hjelp til å klage?

Ved å kontakte sakshandsamar kan du få hjelp til å klage. Munnleg klage skal skrivast ned og underteiknast av den som klagar eller fullmektig. I klagen skal det kome fram kva ein ønskjer å endre. Vi nyttar ikkje eigne skjema for klage.

Korleis vert klagen handsama?

Når vi får klagen, vurderer vi den på nytt saman med eventuelle nye opplysingar i saka. Dersom klagen etter ny vurdering ikkje vert imøtekomen frå oss, vert den sendt vidare til Statsforvaltaren for endeleg avgjerd.

Pasient- og brukarombodet

Ved behov for bistand ut over rettleiingsplikta til kommunen kan du kontakte Pasient- og brukarombodet i Møre og Romsdal. Ombodet skal ta hand om behova, interessene og rettstryggleiken din. Telefonnummeret til ombodet er 71 57 09 00.

Kva er fristen?

Klagefristen er fire veker. Du kan levere klage via e-dialog (sikker innsending av post) eller i eige elektronisk skjema.

Klagen sendast til:

Helse og omsorg ved avdeling for tenestekoordinering

Rådhusgata 5,

pb. 274, 6099 Fosnavåg