Vårt mål er å hjelpe menneske med moderate til alvorlege psykiske lidingar og eller rusutfordringar ut i ordinært arbeidsliv.

Unikt for IPS prosjektet er at jobbsøkaren får individuell oppfølging av ein jobbspesialist som er integrert i jobbsøkaren si oppfylging frå kommunal rus og psykisk helseteneste eller spesialisthelsetenesta DPS. Tilbodet vert gitt utan anna føresetnad enn at jobbsøkjaren har eit ynskje om å vere i ordinær jobb.

Vi skal starte tidleg i forløpet med jobbsøking. Jobbsøkjar sine ønskjer og preferansar skal vektleggast, og arbeidsperspektivet skal integrerast i behandlarforløpet. Oppfølginga av den enkelte jobbsøkjar er individuelt tilpassa, og varer i uavgrensa tid.

IPS bygger på 8 grunnleggande prinsipp:

• Målet er ordinært, lønna arbeid
• Tilbodet vert gitt basert på jobbsøker sine eigne ynskje; ein kan ikkje ekskluderast med bakgrunn i diagnose, symptomer, rus eller sjukdomshistorie
• Individuell jobbstøtte er ein integrert del av behandlinga
• Jobbsøk skal basere seg på den enkelte sine interesser og dugleikar.
• Oppfølginga inkluderer rådgjevning om søknadar om offentlege ytingar og trygd
• Hurtig jobbsøk: Ein skal ikkje ha lengre periodar med førebuing, trening eller rådgivning før ein prøver seg i arbeid
• Systematisk Jobbutvikling: IPS-jobbspesialisten brukar ein stor del av tida si på å bygge nettverk hjå arbeidsgjevarar basert på å finne aktuelle jobbar som passar kvar enkelt
• Individuell oppfølging utan tidsavgrensning

Vil du vite meir om IPS prosjektet? Eller kanskje du kan tenkje deg å kome i jobb?

Ta kontakt med din behandlar i teneste for psykisk helse og rus, eller kontakt DPS i Volda eller Myrvåg.

Meir informasjon finn du her: ssips.no.

Besøk gjerne Facebook-sida vår: Søre Sunnmøre IPS