• PC, nettbrett eller ein smarttelefon med kamera i skjermen
• Tilgang til internett
• Ein stad å sitte der du kan snakke fritt og ikkje bli forstyrra

Om du kan sjå film på PC-en, nettbrettet eller smarttelefonen, har du truleg godt nok utstyr til å gjennomføre videomøtet. Hugs å sitje ein stad der du har tilgang til internett når du skal delta i møtet. Du er sjølv ansvarleg for at PC-en, nettbrettet eller smarttelefonen du nyttar til videomøtet er oppdatert og sikkert.

Du finn lenka til videomøtet i e-posten som er sendt til deg. Vi anbefaler at du finn fram lenka i god tid (15 minutt) før møtet skal starte. Om du ikkje har høve til å gjennomføre møtet på video, eller ikkje har tilgang til naudsynt utstyr, er det fint om du tek kontakt med kommunen så snart som mogleg.

Vi anbefaler at du testar at det tekniske fungerar før møtet startar. Det gjer du ved å gå til https://webex.com/test-meeting og logge deg inn til eit testmøte. Ved innlogging blir du spurt om å installere programmet Webex. Det skal du ikkje gjere. Du skal trykke på teksten «Join from your browser». Om du får lyd og bilde så fungerer testen, og då vil videomøtet også fungere.

Du må forsikre deg om at utstyret du har tenkt å nytte til videomøtet fungerer, og at du har nok internett-hastigheit der du skal sitje. Syt for du har innkallinga til møtet med lenka som gjev deg tilgang.

Om du er brukar av ei kommunal teneste, ber vi deg om å ha gyldig legitimasjon klar då du kan bli beden om å legitimere deg i videomøte. Dette er for å sikre at tilsette i kommunen kan være sikker på at ein snakkar med rett person. Dersom du kjenner den tilsette i kommunen som kallar inn til møtet frå før, er ikkje legitimasjon naudsynt.

For at du skal ha mest mogleg utbyte av møtet bør du kunne prate fritt. Derfor er det viktig at du finn ein passande stad å sitje utan at andre kan høyre det som vert sagt i møtet, og slik andre ikkje kan sjå skjermen din. Dette for å ta i vare krav til personvern. Plasser deg difor på ein stad der ingen andre får med seg samtalen. Ikkje sit på ein kafé, toget, bibliotek eller liknande. Om du har hovudtelefonar er det anbefalt å nytte dei.

• Frå kommunen er det bare den/dei som skal være med i møtet som er til stades  
• Du kan bli bedt om å legitimere deg i videomøte, så ha legitimasjon tilgjengeleg. Vis fram legitimasjonen om du vert beden om det
• Det er ikkje mulig for andre å sjå eller lytte til videomøtet. Samtalen er kryptert. Det betyr at møtet er sikkert.  
• Det vil ikkje bli gjort noko form for opptak av videosamtalen. Om det er avtalt eller lovpålagt vil kommunen lage eit referat etter møtet. 

Meir informasjon om personvern kan hentast frå kommunen si heimeside: 

https://www.heroy.kommune.no/tenester/organisasjon-og-tilsette/personvern/sporsmal-og-svar-om-personvern/

Start 

• Klikk på lenka i innkallinga som du har fått, eller kopier og lim inn lenka i nettlesaren din
• Følg instruksjonane 
• Om du blir bedt om å gi tilgang til kamera og mikrofon, må du tillate det. Om ikkje vil ikkje tilsette i kommunen kunne sjå eller høyre deg

Undervegs

• Om lyden ikkje fungerer, kan du via «Innstillingar» på PC-en, nettbrettet eller smarttelefonen velje kva mikrofon og høgtalar som skal nyttast  
• Undervegs i møtet kan du skru av lyd eller kamera midlertidig ved behov, og dele skjerm med dei andre deltakarane om du ønskjer å vise fram eit dokument eller bilde til alle som deltek i møtet

Avslutt møte 

• Når møte er ferdig, avsluttar du det i skjermbildet (raud ring med X i) og lukkar nettlesaren din