F.v. leiar for heimetenesta Maria Kvalsvik,Eli Karin Kvalsvik delte ut prisen på vegne av AMU (arbeidsmiljøutvalet)
Marte Skrede Hide
Eli Karin Kvalsund delte ut prisen på vegner av arbeidsmiljøutvalet i kommunen. Arbeidsmiljøutvalet er jury og avgjer kven som får prisen.
Grunngivinga lyder slik:
"Arbeidsmiljøprisen for 2025 går til ei eining som
- Har over tid vist vilje til utvikling, samarbeid og nytenking for å skape eit betre arbeidsmiljø og ei meir berekraftig teneste
- Har gjennom omorganisering skapt meir struktur, tydeleg ansvarsfordeling og betre samarbeid på tvers av vakter og faggrupper.Dette har gitt meir føreseielege arbeidsdagar, styrkt fagmiljøet og bidrege til auka trivsel blant dei tilsette.
- oppgir at eit viktig tiltak har vore innføring av langvakter. Dette har gitt meir kontinuitet for brukarane, færre overgangar i løpet av dagen og betre kvalitet i tenestene. Samstundes har ordninga gitt dei tilsette større fleksibilitet, meir samanhengande fritid og betre moglegheit til å kombinere arbeid og privatliv. Tiltaket er gjennomført i tett dialog med dei tilsette, der medverknad og evaluering har stått sentralt.
- Har gjennomført endringane i tett dialog med dei tilsette, og bidrege til eit inkluderande, stabilt og positivt arbeidsmiljø
Arbeidsmiljøprisen 2025 går til heimetenesta"
Tiltak som skaper eit trygt arbeidsmiljø
Arbeidsmiljøprisen blir gitt kvart år til ei avdeling i kommunen. Vinnarane får 10 000 kroner og eit diplom. Pengepremien skal nyttast til arbeidsmiljøtiltak i vinnaravdelinga.
Arbeidsmiljøprisen blir gitt for tiltak som
- er med på å skape eit godt og trygt arbeidsmiljø
- kan bidra til auka motivasjon, entusiasme og humør
- medverkar til samarbeid over etablerte grenser
- verkar førebyggande på helseskadar
- har stor overføringsverdi
Alle tilsette kan nominere kandidatar til arbeidsmiljøprisen. Medlemmene i arbeidsmiljøutvalet kan også nominere.