Bjørnehiet Håkon Søvik Smådal, leiar i Leine Krins Grendelag

Kva er spelemiddel-ordninga?

Spelemidlane kjem frå overskotet til Norsk Tipping, Kulturdepartementet fordelar desse til allmennyttige føremål, der ein stor del går til idrett og aktivitet.

Alle lag og organisasjonar kan søke om spelemidel-tilskot til idretts- og aktivitetsanlegg.

Eit prosjekt kan ha ulike vilkår for å kunne få tilskot.

Kva kan det søkjast om?

Grendelag og velforeiningar kan søkje om tilskot til nærmiljøanlegg. Det kan søkjast om inn til 50% av søknadsberettiga kostnad, men maks kr. 300 000,- per anleggseining.

 Døme på kva det tidlegare har vore utbetalt tilskot er:

• Gapahuk
• Ballbinge
• Aktivitetspark
• Treningspark
• Apparat / installasjonar som tilfredsstiller NS-EN-16630, NS-EN-16899 eller liknande

 
Lista er ikkje uttømande. Sit du med ein ide så ta kontakt for å avklare om ditt prosjekt kan søkjast på.
 Apparat / installasjonar som berre er sertifisert I NS-EN-1176 kan det ikkje søkjast tilskot for.

Frist for innlevering av søknad:

Søknaden må vere levert Herøy kommune seinast 15. oktober – så start søknadsprosessen i god tid! Søknadsportalen opna 15. Juni.

Kontaktinformasjon

Herøy kommune håper å høyre frå ditt grendelag eller di velforeining, slik vi kan hjelpe i søknadsprosessen. 

For spørsmål eller bistand i søknadsprosessen kan du kontakte sakshandsamar for spelemiddelordninga på telefon: 47710235

eller e-post: henriette.hansen@heroy.kommune.no

Frå Bjørnehiet kan ein nyte ei fantastisk utsikt. Leine krins Grendalag fekk tilskot i 2025.

Solnedgang sett frå Bjørnehiet. Håkon Søvik Smådal, leiar i Leine Krins Grendalag.