Svein Arne Orvik

Ein imponert jury har torsdag vore på Stokksund skule og Ytre Herøy ungdomsskule. Der har dei fått sjå ei rekke kreative løysingsforslag til oppdraga som lokale verksemder stilte med til innovasjonscampen.

Elevane har jobba med oppdraga i grupper sidan måndag, og dei har besøkt verksemdene undervegs. Torsdag kveld blir det klart kva prosjekt som blir kåra til «topp tre».

Frå skipsteknologi til eldreomsorg

Her er oppdraga som er blitt løyste under årets innovasjonscamp:

• For HAV Design: nytt miljøvennleg skip for framtida
• For Opplev Runde: video til bruk i sosiale medium om marin forsøpling
• For Havopplevelse: informasjonsfilm/brosjyre om Herøy
• For Olympic og Atea: cybersikkerheit
• For helse- og omsorgssektoren i kommunen: livsglede for eldre
• For Sparebanken Møre: ny betalingsløysing

Breitt samansett jury 

– De har jobba veldig bra og kan vere stolte av dykk sjølve, sa Ann-Helen Giske Lund i juryen då elevane ved Stokksund skule la fram løysingane sine for juryen.

Desse sit i juryen: 

• MMC First Process ved Vegard Sæter Gurskevik
• Norwegian Greentech ved Håvard Gjelseth
• Havila Shipping ved Svein Rune Smådal
• Ungt Entreprenørskap ved Ann-Helen Giske Lund
• Herøy kommune ved Ann-Kathrin Storøy og Sølvi Lillebø Remøy