Familieløp i parken
Silje S. Mork / Herøy kommune
Silje S. Mork/ Herøy kommune
Silje S. Mork /Herøy kommune
Familieløpet i Parken samla barn i alle aldrar som sprang rundar etter eige ønskje, medan familie og vener heia frå sidelinja. Innsatsen var stor, og veret såg ikkje ut til å leggje nokon dempar på stemninga.
Silje S. Mork / Herøy kommune
Silje S. Mork /Herøy kommune
Silje S. Mork / Herøy kommune
Alle deltakarane fekk medalje som premie for innsatsen. Handballspelarane frå herrelaget til Bergsøy IL stilte opp som frivillige og delte ut medaljar til barna. SpareBank 1, representert ved Henning Karlsen, bidrog med både medaljar og refleksvestar til deltakarane, og var sjølv med på utdelinga.
Henning Karlsen frå Sparebank 1 delte ut medaljar
Silje S. Mork / Herøy kommune
Handballspelarar frå herrelaget til Bergsøy IL stilte òg opp for å dele ut medaljar
Silje S. Mork /Herøy kommune
Familieløp i Parken. Gutar i full fart rundt løypa.
Silje S. Mork / Herøy kommune
Hanballspelera frå herrelaget til Bergsøy IL handball og Henning Karlsen frå Sparebank 1
Silje S. Mork / Herøy kommune
Pop-up-kafé med internasjonalt preg
Kvalifiseringssenteret for innvandrarar og flyktningar inviterte til pop-up-kafé.
Silje S. Mork /Herøy kommune
I dei tidlegare Carat-lokala på Fosnavåg Brygge inviterte Kvalifiseringssenteret for innvandrarar og flyktningar til pop-up-kafé. Lokalet var fint pynta, og dei frammøtte kunne kose seg med kaffi, kaker og popcorn.
Kaféen vart eit naturleg møtestad der folk kunne samlast, slå av ein prat og samtidig støtte TV-aksjonen. All inntekt frå salet gjekk til årets aksjon.
Mange tok turen innom pop-up-kaféen
Herøy kommune
Popcornmaskina var eit populært innslag på pop-up-kaféen
Silje S. Mork / Herøy kommune
Pop-up-kaféen samla mykje folk
Silje S. Mork / Herøy kommune
Lang kø for ballongkunst, fletter og ansiktsmåling
Klovnen Fiks laga Kaptein Sabeltann-sverd av ballongar.
Silje S. Mork /Herøy kommune
Klovnen Fix var eit populært innslag gjennom dagen. Med kreativ ballongkunst laga han alt frå Kaptein Sabeltann-sverd til hjarte og andre figurar som barna kunne ta med seg heim.
Det var også stor interesse for ansiktsmåling og hårfletting, og fleire barn stilte seg i kø for å få eit ekstra fargerikt preg på dagen.
Mange nytta høvet til å få ansiktsmåling
Silje S. Mork / Herøy kommune
Ansiktsmåling og fletting var populære aktivitetar.
Silje S. Mork /Herøy kommune
Ballongar og godt humør med Klovnen Fiks
Silje S. Mork /Herøy kommune
Leseglede på biblioteket
Leseinspirator Fredrik Steen held lesestund med boka Oppdrag romvesen på Herøy folkebibliotek
Silje S. Mork / Herøy kommune
Klokka 12 inviterte Herøy folkebibliotek til lesestund for barn. Leseinspirator Fredrik Steen møtte opp med den raude lesehua og skapte ei hyggeleg stund for dei yngste.
Viktige møte på tvers
Ordførar Tine Storøy gledde seg over det store engasjementet og breidda i aktivitetane.
– Det er kjekt å sjå så mykje folk på arrangementa, sjølv om veret ikkje var på vår side. Her er aktivitetar for alle, og det er flott å sjå kor mange som stiller opp gratis for ei viktig sak, seier Storøy.
Ho peikar også på verdien av møta som oppstår gjennom slike arrangement.
– Desse menneskemøta på tvers er kjempeviktige. Når menneske som har måtte forlate hus, heim, familie og vener opplever at lokalsamfunnet stiller opp, betyr det mykje, seier ho.
Ordføraren rosar også arbeidet til TV-aksjonskomiteen og dei mange frivillige som bidreg år etter år.
– Vi har funne vår eiga form på markeringa i Herøy, og det er veldig kjekt å samarbeide med kreative og engasjerte menneske som vil vere med og skape noko saman, seier Storøy.
Aktivitetsdagen vart dermed ei vellukka markering prega av fellesskap, frivillig innsats og stort engasjement for TV-aksjonen.