Petter Ole Wolden Kopperstad Bjørnar Torvholm Sævik/Vestlandsnytt

– Juni blir ein svært innhaldsrik månad, seier konserthusleiar Petter Ole Wolden Kopperstad.

Startar sommaren med Herborg Kråkevik

Sommarprogrammet startar 6. juni med konsert med Herborg Kråkevik og TrondheimSolistene. Her tek Kråkevik på nytt føre seg den norske songskatten, etter suksessen med Kråkeviks songbok.

After run og konsertoppleving

Laurdag 20. juni blir det After run-show etter Fyr til fyr-løpet. Programmet byr på premieutdeling, standup med Oskar Fjørtoft Sandanger, konsert med Daniel Kvammen og DJ Sarah Vestrheim.

– Vi ønskjer å kople oss på arrangement som samlar folk. Det gir meir liv og fleire opplevingar, seier Kopperstad.

Stor utekonsert i Herøy amfi

Søndag 21. juni kjem Dance With a Stranger til Herøy amfi. Konserten er eit samarbeid med Herøyspelet.

Dersom vêret er bra, blir konserten halde utandørs med fleire billettar tilgjengeleg. Ved dårleg vêr blir arrangementet flytta inn.

Arrangement også i august

Etter ein rolegare juli månad, er konserthuset tilbake i august med arrangement på Herøy gard:

• Laurdag 22. august: Visekveld i Sjøbuda (avgrensa tal plassar)
• Søndag 23. august: Terje Vigen

Satsar på samarbeid

Fosnavåg konserthus samarbeider tett med lokale aktørar som Sommarfesten, Fyr til fyr, Herøyspelet og Herøy gard.

– Vi får til meir når vi samarbeider. Det er viktig for å kunne tilby gode opplevingar lokalt, seier Kopperstad.

Han peikar også på at det har blitt dyrare å arrangere konsertar, og at samarbeid er viktig for å redusere risiko.

– Vi må tilpasse oss, men vi har framleis eit spennande program framover. Det er mykje å glede seg til også i haust og vinter, seier han.

Sjå program her