Heidra for innsatsen for kulturlandskapet
Egil Kvalsund er vinnaren av Kulturlandskapsprisen i fylket. Kvalsund fekk eit måleri i gåve frå kommunen.
Egil Kvalsund (til venstre) fekk overrekt eit måleri i gåve frå kommunen. I midten: ordførar Bjørn Prytz. Til høgre: Kari Lise Kvalsund.
Kristin Myrene
Publisert av Svein Arne Orvik
Publisert 04.09.2023 13:18
Sist endra 04.09.2023 13:27
Denne artikkelen er over eitt år gamal og kan ha utdatert informasjon.
Egil Kvalsund får prisen for sin særskilte innsats for kulturlandskapet på Nerlandsøy. Han er ei drivande kraft for villsau- og beitenæringa på øyane på ytre Sunnmøre. Kvalsund er også ein viktig bidragsytar innan skjøtsel og forsking på kystlynghei. Det melder Statsforvaltaren i Møre og Romsdal.
Prisen vart delt ut av konstituert statsforvaltar Rigmor Brøste og fylkesordførar Line Hatmosø Hoem heime hos Kvalsund 30. august.
Kommunen var representert ved ordførar Bjørn Prytz, kommunedirektør Trond Arne Aglen, fagkonsulent Kristin Myrene og konsulent Marianne Sævik Nerland frå landbruksavdelinga.