BUA Herøy fv. Britt Paulsen, Oleksi og Amalie Andersen Silje S. Mork

Ope i ferien

BUA Herøy har vanlege opningstider gjennom sommaren:

Måndag og torsdag kl. 15.00–17.30

I ferien er det Amalie Andersen som tek imot deg på BUA.

For alle som vil vere i aktivitet

– BUA er ope for alle, seier fagleiar for Frivilligsentralen og BUA, Britt Paulsen.
– Du treng ikkje ha kjellar, garasje og bod fulle av utstyr. Her kan du låne det du treng, når du treng det. Det einaste du må hugse på, er å planleggje litt i forkant.

Ho rosar brukarane i Herøy:

– Vi har fantastiske lånarar som tek godt vare på utstyret og leverer til rett tid. Det er vi veldig takksame for.

Populært utstyr i sommar

Mange nyttar BUA når dei skal på tur i nærområdet. Dette er noko av det mest populære utstyret no:

• Turutstyr til fjell og friluftsliv
• Fiskestenger og anna fiskeutstyr
• Redningsvestar og flytevestar
• Syklar
• Telt og hengekøyer
• SUP-brett
• Rulleskøyter og skateboard

BUA har også fått nye våtdrakter sponsa av Mowi.

Takk til Mowi

BUA Herøy har nyleg fått våtdrakter sponsa av Mowi.

– Tusen takk for eit flott bidrag! Dette gjer at endå fleire kan prøve aktivitetar i og ved sjøen, seier Paulsen.

Dette kan du låne

Skateboard Silje S. Mork

Rednigsvestar og fiskestenger Silje S. Mork

Hengekøyer og soveposar Silje S. Mork

BUA har eit stort utval av utstyr til både sommar, vinter og leik. Her er eit utval:

Friluftsliv og camping
• Telt, lavvo, soveposar og liggeunderlag
• Stormkjøken, termosar og tursekkar
• Kompass, hovudlykter og hengekøyer

Sommar og vatn
• SUP-brett

• våtdrakter
• Syklar og sykkelhjelmar
• Flytevestar og redningsvestar
• Fiskesett og sjøkikkert
• Ballspel og aktivitetar som badminton, volleyball og fotball

Syklar Silje S. Mork

Syklar SIlje S. Mork

Frisbee Silje S. Mork

Leik og spel
• Frisbeegolf, stigegolf og kubb
• Krokket og fotballkrokket
• Dart og bowlingsett

Vinter og is
• Skiutstyr og akematter
• Skøyter og hockeyutstyr
• Truger og broddar

Lenke til BUA Herøy 

Slik låner du

For å låne utstyr må du opprette ein låneprofil.

• Du må ha bustadadresse i Noreg og norsk mobilnummer
• Du kan opprette profil via Vipps eller stadfeste identiteten din med kode og legitimasjon første gong
• Når profilen er oppretta, held det å oppgi mobilnummer når du skal låne

Barn og ungdom under 18 år kan låne saman med ein vaksen som er ansvarleg for lånet.

Her kan du opprette låneprofil: https://www.bua.no/app?redirect=%2F

Det er gratis

Det kostar ingenting å låne utstyr frå BUA.

Du kan likevel få gebyr dersom utstyret blir levert for seint.

Kvar finn du BUA?

BUA Herøy ligg i første etasje på Herøy kulturhus, mot stadion.

Køyr ned ved Sunnmørsbadet – der finn du skilting til BUA.

https://www.bua.no/finn-bua/bua-heroy

Skilt til BUA Herøy

Herøy kommune

BUA Herøy Silje S. Mork / Herøy kommune

Om BUA Herøy

BUA Herøy er organisert under frivilligsentralen. BUA er ein utlånssentral der du kan låne sport- og fritidsutstyr heilt gratis. Drifta er finansiert av kommunen. Utstyret kjøper vi inn frå ulike tilskotsordningar av stiftingar, bankar og private lokale bedrifter.

BUA Herøy Silje S. Mork

Rulleskøyter Silje S. Mork