Adobe Stock

I-stock

Vi har no fleire ledige stillingar innan pleie og omsorg, både for helsefagarbeidarar og sjukepleiarar. Felles for stillingane er at du får arbeide tett på menneske, vere med på å skape gode dagar for andre og bidra med viktig fagkompetanse i eit sterkt arbeidsfellesskap.

Eit arbeid med meining

I pleie- og omsorgstenestene i Herøy kommune møter du menneske med ulike behov, erfaringar og livshistorier. Enten du arbeider innan demensomsorg, på sjukeheim eller i omsorgsbustad, er målet det same: å gi tryggleik, meistring og livskvalitet.

Vi legg vekt på fagleg kvalitet, samarbeid og personsentrert omsorg. Samtidig ønskjer vi å skape arbeidsplassar der tilsette trivst, utviklar seg og får brukt kompetansen sin.

Fleire ledige stillingar

Vi søkjer no etter:

• Helsefagarbeidar, 100 prosent fast stilling ved Myrvåg omsorgssenter seksjon B
• Helsefagarbeidar, 80 prosent fast stilling ved Myrvåg omsorgssenter seksjon B
• Helsefagarbeidar, 80 prosent fast stilling ved Myrvåg omsorgssenter seksjon A
• Helsefagarbeidar, 70 prosent fast stilling ved Herøy omsorgssenter seksjon blå
• Sjukepleiar, 100 prosent vikariat ved Eggesbøtun/1:1 fram til april 2028

Stillingane har ulike arbeidsområde og arbeidstidsordningar, men alle gir høve til å vere med på å utvikle gode tenester for innbyggarane våre.

Dette kan vi tilby

Som tilsett i Herøy kommune får du:

• eit godt arbeidsmiljø med engasjerte kollegaer
• fagleg utvikling gjennom kurs, fagdagar og vidareutdanning
• gode pensjons- og forsikringsordningar gjennom KLP
• løn etter gjeldande tariffavtale
• høve til årleg sletting av studielån etter gjeldande ordning for kommunegruppe 5

Vi er opptekne av å byggje sterke fagmiljø og legg til rette for læring, samarbeid og utvikling på arbeidsplassen.

Søknadsfrist for alle stillingane er 14. oktober 2026.