V.O.V.

Utval for samfunnsutvikling fatta følgjande vedtak i møte den, 15. April.2026, ved behandling av politisk sak for offentleg ettersyn av planforslag til ovannemnde plan: 

• Utvalet for samfunnsutvikling vedtek, jf. Plan - og bygningslova § 12 -10, å legge ut forslag for «Reguleringsendring for Torvik Resort»på offentleg ettersyn i 6 veker.
   
• Kommunedirektøren skal sørge for at innhaldet i planforslaget vert kvalitetssikra i samråd med Sporstøl arkitekter AS, og at eventuelle mindre suppleringar og justeringar blir gjorde før offentleg ettersyn av planforslaget.
   

Administrasjonen har følgd opp vedtaket, og har etter gjennomgang ikkje vurdert det som nødvendig med større endringar. Planforslaget leggjast derfor med dette ut på offentleg ettersyn i 6 veker. 

Samandrag

Formålet med reguleringsplanen er å utføre nødvendige oppdateringar til reguleringsplanarbeid «Torvik resort» (Plan ID 200902, Vedteken 11.06.2009), slik at reguleringsplanen er betre tilpassa den no aktuelle utbyggingsforma for resortanlegget, og samsvarar med dagens lovkrav, retningslinjer og føringar til arealplanar etter plan – og bygningslova. Tiltakshavar for detaljreguleringa er Plass 1 AS v/Sven Torvik, og konsulentselskapet Sporstøl arkitekter AS vil fungere som fagkyndig plankonsulent.

Kommunedirektøren meiner at saka er godt belyst, og at forslaget kan sikre at turismesatsing for «Torvik resort» vert modernisert og tilpassa dagens krav, forventningar til planlegging, lokale interesse, òg gjeldande marknadstilhøve. Tiltak vurderast å kunne ha positive ringverknadar knytt til turisme, trafikktryggleik og auke bruk av sjøområda (òg strandsona), med gunstige sekundærverknadar knytt til bl.a. aktivitet for entreprenørar og klimatilpassing.

Tiltaket vurderast samtidig å kunne ha negative verknadar for både landskapsbilete og kulturmiljø, verknadar for marint naturmangfald, tilgang til strandsona for ålmenta, og vurderast som utsett for støy frå fylkesveg og ulike naturfarar. Fleire avbøtande tiltak har vorte implementert som redusera konsekvensen vesentleg, men ein viss restverknad må truleg forventast for landskapsbilete og tilgang til strandsona gitt tiltakets art. Det vil derfor vere viktig med vidare tilpassingar i møte med innspel frå offentleg ettersyn, før plan går til endeleg sluttbehandling. Det vurderast i tillegg som nødvendig med ei nærmare utdjuping knytt til støyforhold på område «BAA6», som har byggjegrense liggande i gul støysone.

Gi innspel her

Dei oppdaterte dokumenta kan du finne i kunngjeringsbrev på postlista til Herøy kommune, saman med anna saksdokumentasjon, politiske handsamingar, og korrespondanse. 

Fristen for å gi merknadar til planarbeidet er 05.06.2026.

Du kan gje høyringsinnspel i dette skjemaet. Merk innsendinga med årstalet 2023 og mappenummer 982.