Ulykka skjedde like nord for Herøybrua langs fylkesveg 654 (Røyrasundvegen), der to køyretøy kolliderte. Naudetatane rykte ut til staden, og vegen vart stengd medan redningsarbeid, undersøkingar og opprydding gjekk føre seg.

Gjennom ettermiddagen og kvelden vart trafikken påverka i fleire omgangar. Vegen vart først heilt stengd. Seinare vart eitt køyrefelt opna med manuell dirigering før vegen igjen vart stengd då ulukkesgruppa frå Statens vegvesen gjennomførte undersøkingar på ulykkesstaden.

Ulukkesgruppa avslutta arbeidet sitt onsdag kveld, og dei involverte køyretøya vart deretter frakta bort. Rundt klokka 23 pågjekk det framleis opprydding på staden, og trafikken vart dirigert forbi arbeidsområdet.

Når oppryddingsarbeidet er ferdig, vil vegen bli opna for normal ferdsel igjen.