Brannsjef i Herøy kommune - Frank Steinsvik Silje S. Mork

Brannen utvikla seg raskt og kravde ein omfattande og koordinert innsats. Det bratte og krevjande terrenget gjorde arbeidet ekstra utfordrande.

Krevjande forhold i bratt terreng

Brannsjef Frank Steinsvik fortel om tøffe forhold under sløkkjearbeidet:

– Det var eit vanskeleg område å arbeide i. Det tok tid å få både mannskap og utstyr fram. Brannvesenet prøvde først med brannpisker, men det vart for varmt og flammane vart for høge. Då dei fekk vatn opp i området, fekk brannvesenet etter kvart kontroll på brannen.

Dagen derpå! Frank Steinsvik oppe for å hente slanger, som låg der natta over i tilfelle det skulle blusse opp. Frank Steinsvik hadde èin tur over fjellet i natt, for å sjekke tilhøva. Alt var godt sløkt! Lene Utseth

Øving gav effekt

Steinsvik peikar på at jamleg øving har vore viktig for å handtere situasjonen:

– Mannskapa øver kvart år på denne typen oppdrag, mellom anna på å frakte pumper i bratt terreng. Det er fysisk krevjande, men heilt nødvendig.

Ros til mannskap og frivillige

Steinsvik rosar innsatsen frå eigne mannskap:

– Dei gjorde ein svært god jobb og viste stort engasjement. Dei jobba knallhardt under krevjande forhold.

Han ønskjer samstundes å takke dei mange frivillige som bidrog:

– Det er viktig å takke dei sivile som var med og hjelpte til. Om lag 20 personar bidrog i arbeidet. 

Takk til alle involverte

Herøy kommune vil òg takke politiet og andre involverte etatar og samarbeidspartnarar for innsatsen. Det gode samspelet mellom naudetatar, frivillige og andre ressursar var avgjerande for å få kontroll på brannen.

– Vi er svært takksame for innsatsen som vart lagt ned av alle involverte. Dette arbeidet har hatt stor betydning for tryggleiken til innbyggjarane våre, seier ordføraren i Herøy.

Slike hendingar viser kor viktig det er med god beredskap, kompetanse og samarbeid. Herøy kommune set stor pris på innsatsen som vart gjort, og takkar alle som bidrog.