SkjermbileteKoppenSluttbehandling
Vegard O.V.
Kommunestyret fatta følgjande vedtak i møte den, 11. Desember.2025, ved behandling av politisk sak for offentleg ettersyn av planforslag for ovannemnde plan:
- Kommunestyret vedtek, jf. plan- og bygningslova § 12 -12, framlagt planforslag til detaljreguleringsplan for «Koppen massetak - gnr 21 bnr 2», planID 202401.
- Kommunedirektøren skal før kunngjering sørgje for at innhaldet i planen og framstillinga av han blir digitalisert og kvalitetssikra, og at eventuelle mindre suppleringar og justeringar blir gjorde.
Dette betyr at tiltakshavar kan gå vidare med planlagd utviding av masseuttak på Frøystad. Tiltaket vil innebere utviding av uttaksområde for steinmassar, med gradvis flytting av tursti til Frøystadtua, i tillegg til utbetringar av avkøyrslepunkt til fylkesveg, utbetring av dreneringsløysingar med forureiningsbarrierar, og stadfesting av eksisterande vegnettverk med gang - og sykkelveg i plankart. Nye frisiktsonar og faresonar for skred vert også regulert inn som del av plan.
Planforslaget følgjer opp arealdisponering frå kommuneplanen sin arealdel, og vil etter administrasjonen sin vurdering kunne leggje grunnlaget for eit framtidsretta uttak av steinmassar til lokale byggeprosjekt, som ivareteke lokale interesser i både driftsfasen og for ettertida. Dette gjennom grundig utarbeida reglar og rekkefølgjekrav i føresegnene, som bidreg til å minimere forureining, redusere effekt på natur og landskap, ivareteke folkehelse, og sikre lokale friluftslivinteresse. Føresegn sett også krav om god istandsetting gjennom t.d. bevaring av jorddekke.
Planforslaget har etter offentleg ettersyn gått gjennom fleire tilpassingar for å dempe verknadar for naboområda, men vil truleg uansett ha ein viss negativ innverknad på nærområdet (Restrisiko, størst for landskap og friluftsliv), sjølv om denne er mindre enn i tidlegare iterasjonar av plan og vil vere mest utheva i driftsfasen til prosjektet. Til tross for dette sikrar forslaget i sin noverande form at mest mogleg omsyn er gjevne til lokale og regionale interesser, utan å gå vesentleg ut over ulike lokale – og samfunnsinteresse. Totalverknad vurderast derfor som positiv.
Klage på vedtak
Dei oppdaterte dokumenta kan du finne i kunngjeringsbrev på postlista til Herøy kommune, saman med anna saksdokumentasjon, politiske handsamingar, og korrespondanse.
Klagefrist for planvedtak er sett til 24.01.2026.
Klager kan sendast inn ved bruk av dette skjema. Merk innsendinga med årstalet 2023 og mappenummer 3526.