Kommunestyret fatta følgjande vedtak i møte den, 11. Desember.2025, ved behandling av politisk sak for offentleg ettersyn av planforslag for ovannemnde plan:
- Kommunestyret vedtek, jf. plan- og bygningslova § 12 -12, framlagt planforslag til detaljreguleringsplan for «vassbehandlingsanlegg i Moltudalen», planID 202204.
- Kommunedirektøren skal før kunngjering sørgje for at innhaldet i planen og framstillinga av han blir digitalisert og kvalitetssikra, og at eventuelle mindre suppleringar og justeringar blir gjorde.
Dette betyr at tiltakshavar kan gå vidare med etablering av nytt vassbehandlingsanlegg i Moltudalen. Tiltaket vil innebere, i tillegg til nytt vassbehandlingsanlegg og høgdebasseng, etablering av innsynsskjermande voll rundt anlegg, utlegging av nye røyrtrasear i eksisterande grøfter til Nygjerdevegen fram til dagens anlegg, etablering av nye vegtilkomstar frå Nygjerdevegen til anlegget, etablering av nytt parkeringsareal og parkområde til bruk for lokale friluftslivinteresse, og regulering av eksisterande tilkomstveg til Moltudalen med tilgrensande grøntareal. I tillegg vil det også regulerast inn nye frisiktsoner, faresone for skred, faresone for høgspent, og areal innan skredsona til friområde.
Planforslaget vurderast å ha positive verknadar knytt til utbetra og meir føreseieleg tilgang på drikkevatn, og kan på sikt potensielt forsyne heile kommunen. Dette er vurdert å ha positive verknadar innan beredskap som følgje av meir føreseieleg tilgang på vatn til brannsløkking, og moglege økonomiske fordelar for fiskeriverksemder som i dag må ha separate reinseløysingar. Føringar for avgrensing av forureining og sikringstiltak mot ev. lekkasjar, i tillegg til opparbeiding av grøntområde og parkering for ålmenta, vurderast også som positivt.
Planforslaget har gått gjennom ei rekke justeringar for å dempe negative verknadar mest råd, og sikrar i sin noverande form at mest mogleg omsyn er gjevne til lokale og regionale interesser, utan å gå vesentleg ut over ulike lokale – og samfunnsbehov. Negative verknadar vurderast å vere mest aktuelle i anleggsfase, bl.a. for landskap, men vil reduserast vesentleg på sikt etter kvart som anlegget vert ferdig opparbeidd.
Klage på vedtak
Dei oppdaterte dokumenta kan du finne i kunngjeringsbrev på postlista til Herøy kommune, saman med anna saksdokumentasjon, politiske handsamingar, og korrespondanse, eller på vår planarkivløysing “arealplanar.no”.
Klagefrist for planvedtak er sett til 24.01.2026.
Klager kan sendast inn ved bruk av dette skjema. Merk innsendinga med årstalet 2022 og mappenummer 1661.