Herøy brann og redning er oppteken av at du skal ha det trygt heime. Når feiaren kjem på besøk til deg, er det for å sjekke at både skorstein, eldstad og røykvarslarar verkar som dei skal, at du har tilstrekkeleg sløkkeutstyr og at du har gode rømningsmoglegheiter.
For å kunne gjere dette, har kommunestyret bestemt at vi skal ta eit gebyr for den lovpålagte tenesta vi leverer. Alle eigarar av fyringsanlegg/eldstad tilkopla skorstein må difor betale feie- og tilsynsgebyr. Her kan du lese om dette gjeld deg, kva gebyret dekkjer og korleis det vert fastsett.
Feiing og tilsyn er lovpålagt
Ifylje forskrift om brannforebygging § 17 skal kommunen ved brannvesenet gjennomføre feiing og tilsyn av alle fyringsanlegg og eldstadar etter ei behovsvurdering som vert gjort av brannførebyggar. Hensikta er å redusere faren for brann ved bruk av fyringsanlegg. Herøy kommune har inngått avtale om vertskommunesamarbeid med Hareid og Ulstein brannvesen, som utfører denne oppgåva med feiing og tilsyn med fyringsanlegg, samt tilhøyrande førebyggande oppgåver.
Kven må betale feie- og tilsynsgebyr?
Dette brannforebyggande arbeidet dekkast av feie- og tilsynsgebyret, som vert fastsett av kommunestyret. Alle som eig bygningar med fyringsanlegg, dvs. eldstad og skorstein/pipe, er pliktig til å betale gebyret.
Merk at gasspeis og andre fyringsanlegg med gassformig brensel fell inn under definisjonen fyringsanlegg, og er dermed gebyrpliktig.
Gebyret må betalast anten du nyttar eldstade eller ikkje, og sjølv om eiendomen er ubebodd, under oppussing eller lagt ut for salg.
Kven kan søkje fritak frå gebyret for feiing og tilsyn
Om du ikkje bruker fyringsanlegget (peis, omn, pipe) og ønsker å søke om fritak for gebyret, må eldstaden fysisk koplas frå skorsteinen eller plomberast.
Kva dekkjer gebyret?
Gebyret dekkjer:
- Feiing av røykkanal (skorstein), røykrør og uttak av sot etter behov. Behovet vert fastsett av feiaren ut ifrå ei risikovurdering.
- Tilsyn med fyringsanlegget.
- Oppfølging etter feiing og tilsyn, dvs. rapportskriving og avvikshandtering.
- Andre utgifter knytt til drift av feietenesta, eksempelvis tilsette og leiing, HMS-tiltak, bil- og utstyrspark, lokalitetar, data- og fagsystem, kompetanseutvikling og andre naudsynte kostnader.
Korleis fastsette gebyret?
Feie- og tilsynsgebyret vert fastsett årlig av kommunestyret etter sjølvkostprinspippet. Sjølvkostprinsippet inneber at inntekter frå gebyret for ei teneste eller eit produkt ikkje skal overstige kostnadane ved å produsere tenesta.
Herøy kommune har bestemt at kostnadane ved tenesta skal delast likt på alle eigarar av fyringsanlegg, uavhengig av behovet for feiing og tilsyn. Gebyret er difor det same uansett kva intervall det feiast etter hjå deg.
Kommunens adgang til å fastsette forskrift om gebyr for gjennomføring av feiing og tilsyn med fyringsanlegg er heimla i brann- og eksplosjonsvernloven § 28 annet ledd.