Bakgrunnen for byutviklingsprosjektet
Herøy kommune vedtok i 2014 å delta i Fylkeskommunen sitt tettstadsprogram, og som en del av tettstadsprogrammet gjennomførte Herøy kommune eit parallelloppdrag første halvår av 2015. Tverrfaglege arkitektgrupper gav gode innspel til korleis Fosnavåg sentrum kan utviklast som ein attraktivt berekraftig stad. Fosnavåg har, som ein del av ei sterk maritim klyngje, alle føresetnadar for å vere det maritime kommunesenteret der berekraftige og innovative løysingar vert lyfta fram.
Herøy kommune ynskjer at Fosnavåg skal vere det naturlege senteret som vert nytta aktivt av både innbyggjarar, arbeidande og besøkjande. Vi ynskjer å legge til rette for auke tal på innbyggjarar i Fosnavåg sentrum og i kommunen samla sett. Vi ynskjer også å auke antal besøkjande gjennom heile året. For å løyse dette må vi skape eit attraktivt sentrum for alle med gode møteplassar og gje folk ein grunn til å kome til Fosnavåg for både handel og oppleving.
Herøy kommune ynskjer å følgje opp sluttrapporten frå parallelloppdraget «Byutviklingsprosjekt for Fosnavåg», heretter kalt sluttrapporten, og «Sentrumsvisjon – bærekraftig sentrumsutvikling Fosnavåg», heretter kalt sentrumsvisjonen. Sluttrapporten og sentrumsvisjonen finn du nedst på sida.
Oppdrag frå byutviklingsgruppa - utviklingsplan
Byutviklingsgruppa (utval for samfunnsutvikling) har gitt kommunedirektøren i oppdrag å starte opp eit arbeid knytt til byutvikling.
Herøy kommune har derfor gjennomføret ein prosess i starten av 2024 med å lage ein ein heilskapleg utviklingsplan for Fosnavåg som skal peike på kva grep Herøy kommune bør gjere for å leie oss i ynskja retning.
Utviklingsplanen vart utarbeida av Civitas med KIMA arkitektur som underleverandør. Jomar Langeland var prosjektleiar og presenterte utviklingsplanen for kommunestyret i Herøy 27.06.2024.
Det vil bli laga ei politisk sak om utviklingsplanen som skal opp i Utval for samfunnsutvikling 11.september, Formannskapet 18.september og kommunestyret 26.september.
Bakgrunnsdokument
Du kan også lese meir om arbeidet med byutvikling i Fosnavåg i arkivet til kommunen.