Planforslag for reg.plan - Bø-Vikane - Skjermbilde
Vegard Ose Velle
Utval for samfunnsutvikling vedtok 27. November 2024 å legge reguleringsplan for “Koppen massetak - gnr 21 bnr 2” ut på høyring, på følgjande vilkår:
- Konsulent må reviderer plandokumenta i tråd med administrasjonen sine tilrådingar og vurderingar i saksframlegget.
- Konsulent må følgje opp krav til utforming og innhald av reguleringsplanar, slik desse går fram av Herøy kommune sin kravspesifikasjon for reguleringsplanforslag.
- Revidert plandokumentasjon skal sendast til Herøy kommune for godkjenning før planforslaget vert lagt ut til offentleg ettersyn.
Desse vilkåra har i stor grad vorte følgd opp, og har resultert i revisjonar og oppdateringar av dei ulike plandokumenta, som har vorte supplert vidare av administrasjonen. Planforslaget leggjast derfor ut på offentleg ettersyn.
Samandrag
Formålet med reguleringsplanen er å utvide dagens satsing på marin turisme og friluftsliv ved «Vikane» i nordre del av Torvika, primært gjennom oppføring av nye rekker med naust og rorbuer nordvest for dagens naust, men òg ved justeringar til dagens interne vegnettverk og tilkoplinga til fylkesvegen.
Planforslaget følgjer delvis opp arealdisponering frå kommuneplanen sin arealdel, og vil stå i stil med eksisterande naust og hamnestrukturar mot søraust, og fritidsområde i sør. Dette kombinert med infrastrukturtiltak som vegutviding, nye frisiktsoner, vegstenging mot nord, og utbetring av sving til fylkesveg, vil etter administrasjonen sin vurdering leggje grunnlaget for ei positiv utvikling av området som heilheit. Stadfestinga av dagens arealbruk, med rom for utvidingar, vil også kunne ivareta interessene for noverande og framtidige brukarar av området, og avsetting av dedikerte friområde i strandsona med restriksjonar på tiltak i 1. etasje for naust og rorbuer vil kunne sikre tilgang til strandsona for ålmenta i framtida.
Tiltaket har samtidig under saksbehandlinga vore vurdert å kunne ha ein negativ innverknad på landskapsbiletet, og kan ha fjernverknad på ei rekke ulike naturvernbestandar i Bøfjorden mot sør, sørvest. Tiltaket har også vore vurdert som utsett for mogleg risiko knytt til overvatn og erosjon, stormfloproblematikk, og brannfare, både som følgje av mogleg branntilgang under anleggsfasen til prosjektet òg frå eksterne kjelder. Desse faretypane og interesseområda er vurdert som godt nok ivareteke i revidert planforslag, men kan framleis vere aktuelle avhengig av framtidig utvikling av klima, og endeleg utforming av bygningar og VA-løysingar mm.
Gi innspel her
Dei oppdaterte dokumenta kan du finne i kunngjeringsbrev på postlista til Herøy kommune, saman med anna saksdokumentasjon, politiske handsamingar, og korrespondanse.
Fristen for å gi merknadar til planarbeidet er 06. Juni 2025.
Du kan gje høyringsinnspel i dette skjemaet. Merk innsendinga med årstalet 2021 og mappenummer 3126.