Foto laga i Copilot
Kva er ein tilvisingsavtale?
- Ein tilvisningsavtale er ein langsiktig avtale mellom kommunen og ein privat utleigar.
- Målgruppa for bustader med tilvisingsrett er bustadsøkjarar som av ulike årsaker fell utanfor den ordinære bustadmarknaden.
- Kommunen sitt mål med avtalen er å skaffe fleire eigna bustader til målgruppa.
- Avtalen gir kommunen rett til å tilvise søkjarar på kommunal bustad til 40 prosent av bustadene i eit prosjekt i minst 20 år.
- Bustadeigar inngår leigeavtale med kvar enkelt bustadsøkjar. Kommunen er ikkje bunden av ein leigeavtale og er ikkje økonomisk part i leigeforholdet.
- Dersom kommunen ikkje har aktuelle bustadsøkjarar, kan bustaden leigast ut på den opne marknaden i samsvar med vilkår og fristar som er gitt i avtalen.
Les også: Om tilvisingsavtalar og aktuelle malar på husbanken sine heimesider
Kva er fordelen for deg som utleigar/utbyggar?
Gunstig finansiering av prosjektet gjennom grunnlån frå Husbanken:
- Gunstig rente på heile lånet, sjå Husbanken sine rentesatsar på deira nettside.
- Husbankens lån til utleigebustader med tilvisingsavtale kan dekke opptil 85 prosent av marknadsverdi, ha avdragstid på inntil 50 år, og moglegheit for å binde renta i inntil 20 år.
- Moglegheit for eitt års avdragsfriheit.
- Kommunen vil hjelpe til å fylle bustadene med leigetakarar, og utleigar får lån frå Husbanken til alle bustadene i prosjektet - ikkje berre dei 40 prosenta kommunen viser leigetakarar til.
- Minimum 60 prosent av bustadene i prosjektet kan til ei kvar tid leigast ut på den opne marknaden.
Herøy kommune ønskjer:
Tilbod på ulike prosjekt der hovudtyngda er utleigebustader med ulike buformer, fortrinnsvis på strekninga Eggesbønes – Fosnavåg sentrum, med nærleik til tenester og offentleg kommunikasjon.
Vi har behov for følgjande utleigebustader:
- 2-roms bustader til eldre (50-60 m2)
- 2-roms bustader (40-55 m2)
- 2-roms bustader til personar med funksjonsnedsetting (55-60 m2)
Prosjektet må vere i tråd med eventuelle områdeplanar eller andre kommunale føringar om ønskt bustadutvikling.
Les også: Rettleiar for lån frå Husbanken.
Krav til standard
Bustadene skal vere av god kvalitet i gode og trygge bumiljø, og ha kvalitet/standard i tråd med Husbanken sine krav. Der det ikkje blir stilt andre krav, gjeld Byggteknisk forskrift TEK17 (Direktoratet for byggkvalitet).
o For personar med funksjonsnedsetting må det i tillegg sikrast tilstrekkeleg plass til hjelpemidlar, rullestol og
pleieplass.
Krav til utleigeselskap
Desse reglane gjeld for profesjonelle utleigarar som skal inngå tilvisingsavtale med kommunen og søkje lån frå Husbanken:
- Utleigar har som føremål å eige, forvalte og leige ut bustader til personar etter avtale med kommunen.
- Utleigar inngår ein samarbeidsavtale med kommunen.
- Utleigeforholdet er basert på husleigekontraktar etter husleigelova.
- Utleigar aksepterer NAV-garanti som depositum.
- Utbyggjarar må sjølve skaffe tomter til prosjekta.
Tilbodet må innehalde følgjande dokumentasjon:
- Skildring av utleigeselskapet med firmaattest, skatteattest nyare enn 6 månader og kredittvurdering
- Teikningar: situasjonsplan, plan, snitt og fasadeteikningar, samt prosjektskildring
Ved val av aktør/prosjekt vil vi vektlegge:
- Skildring av utleigeselskapet
- Plan for forvaltning av bebuarar og bumiljø
- Husleigenivå
- Kvalitet og bustadstandard
- Tidspunkt for ferdigstilling
- Livsløpsstandard ved nybygg
- Nærleik til ulike funksjonar som handel og tenester, idretts- og kulturliv samt offentleg kommunikasjon.
All innsendt dokumentasjon frå tilbydarar vil bli behandla konfidensielt fram til ein eventuell avtale er inngått.
Skjema for innsending
Du kan nytte dette skjemaet for innsending om tilvisningsavtale. (DOCX, 51 kB) Dersom du har fleire prosjekt ber vi om å sende inn eit skjema per prosjekt. Skjemaet sendast i PDF-format til: postmottak@heroy.kommune.no innan gitt frist.
Tidsfrist og kontakt
Frist for innsending av tilbod er måndag 1. desember 2025. Innkomne tilbod vil verte handsama omgåande.
Dersom du har spørsmål angåande tilvisingsavtale kan du sende ein e-post til
lene.huldal@heroy.kommune.no eller
henriette.hansen@heroy.kommune.no